මහින්ද මේ නොකියා කියන්නේ කුමක්ද?

මහින්ද රාජපක්ෂ මහතා තෙවරන වරටත් ජනාධිපති වුවහොත් සිදු කිරීමට බලාපොරොත්තු වන දෑ සම්බන්ධයෙන් සහ ඔහු රට හමුවේ තබන පොරොන්දු සම්බන්ධයෙන් වූ ප්‍රතිපත්ති ප්‍රකාශය පසුගියදා එළිදැක්වූ අතර එහි ප්‍රධාන මාතෘකාව වන "ජාතික ආරක්ෂාව පිළිබඳ ගෝලීය ආදර්ශයක්" යන්නෙහි මෙසේ සඳහන් වේ.

"මානුෂීය මෙහෙයුමේදී ශ්‍රී ලංකාවේ වෙසෙන කිසිදු පුරවැසියෙකුගේ මානව අයිතිවාසිකමක් කඩවී ඇත්නම් රටේ පවතින නීතිමය රාමුව තුළ දේශීය ක්‍රමවේදයක් යටතේ විනිවිද බවින් යුතුව යුක්තිය සාධාරණය ඉටු කිරීම සඳහා අවශ්‍ය යාන්ත්‍රණයක් ඇති කරමි."

උපුටාගැනීම "මහින්ද චින්තන ලොව දිනන මග" 14 පිටුව තුන්වන චේදය.

මහින්ද රාජපක්ෂ මහතා සිය මැතිවරණ වේදිකාවේ නිතර ප්‍රරකාශකරන්නේ "මම කිසිදු රටවැසියෙකුට මානව හිමිකම් චෝදනා ගොඩනගන්නට ඉඩ දෙන්නේ නැහැ" යනුවෙනි.

කෙසේනමුත් යුද්ධයේදී සිවිල් ජනතාවගේ ජීවිත අහිමි වීම පිළිබඳ සොයා බැලීමට එක්සත් ජාතීන්ගේ මානව හිමිකම් කොමිසම විසින් පත්කළ කොමිසමට විකල්පයක් ලෙස ජනාධිපතිවරයා පත් කර තිබෙන "මැක්ස්වෙල් පරණගම" කොමිසමට විශේෂඥ උපදෙස් දීම සඳහා මහා බ්‍රිතාන්‍යය, ඇමරිකා එක්සත් ජනපදය, ජපානය වැනි රටවලින් අධිරාජ්‍යවාදී ගැති නියෝජිතයින් පත් කර සිටී.

මුතුහෙට්ටිගම රටෙනුත් පලායයි

අමාත්‍ය නිශාන්ත මුතුහෙට්ටිගම මහතා අද (26) අලුයම 1.20ට පමණ සිංගප්පූවර බලා කටුනාය ජාත්‍යන්තර ගුවන්තොටුපළින් පිටවත් ගොස් තිබේ.

 

ඔහු පිටත්ව ගොස් ඇත්තේ UL 306 දරන යානයෙන් බවදා වාර්තා වේ.

මෛත්‍රීපාල සිරිසේන මහතාගේ ඡන්ද වේදිකාවකට වඳුරඹදී ගිනිතබා විනාශකිරීමේ සිද්ධියකට සම්බන්ධ සැකකරුවන් උසාවි ගෙන යන අතරමගදී ඔවුන් පැහැර ගත්තැයි ඔහු අත් අඩංගුවට ගන්නා ලෙස බද්දේගම මහේස්ත්‍රාත් චන්දිම එදිරිමාන්න මහතා මීට දින කිහිපයකට පෙර පොලිස්පති මඟින් වරෙන්තු නිකුත් කළේය.

මුතුහෙටිටිගම ඊයේ (25) මධ්‍යම රාත්‍රියේ ගම්පහ සිට කටුනායකට පැමිණි බවද දැනගන්නට ඇත.

නියෝජ්‍ය අමාත්‍යවරයා සමග තවත් දෙදෙනෙකු විදෙස් ගත වූ බවද ගුවන්තොටුපළ ආරංචිමාර්ග සඳහන් කරයි.

අදාළ නඩුව යළි දෙසැම්බර් මස 29දින කැඳවන බවත්, එදිනට නිශාන්ත මුතුහෙට්ටිගම මහතා සහ ඔහුගේ රියදුරු අධිකරණය ඉදිරියට පැමිණවිය යුතු බවටත් පොලිස්පතිවරයා මගින් අධිකරණ නියෝගය ක්‍රියාත්මක කරන ලෙස මහේස්ත්‍රාත්වරයා දන්වා තිබුණි.

සිල් රෙද්දත් මැතිවරණ තුරුම්පුවක්

මහින්ද රාජපක්ෂ ජනාධිපති ධූර අපේක්ෂකයාගේ මැතිවරණ ප්‍රචාරක කටයුතු වෙනුවෙන් විහාරස්ථාන මට්ටමින් බෙදා දීම සඳහා සිල්රෙදි තොගයක් ගෙන්වා ඇතැයි ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ පොදු දේපොළ රැකගැනීමේ වැඩ සටහන පවසයි.

ඒ සම්බන්ධයෙන් ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ පොදු දේපොළ රැකගැනීමේ වැඩ සටහන විසින් නිකුත් කර ඇති ප්‍රකාශනයක දැක්වෙන්නේ, එකක් මීටර් පහක් දිග සිල් රෙදි සඳහා රුපියල් කෝටි සීයක් වැය කරන බවයි.

ජනාධිපතිවරණ ව්‍යාපාරය අතර නීතියට පටහැණිව සිදු කරන සිල්රෙදි බෙදා හැරීම නතර කරන ලෙසයි ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ පොදු දේපොළ රැකගැනීමේ වැඩ සටහන ඉල්ලා සිටින්නේ.

ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ විධායක අධ්‍යක්ෂ සුගත් රනුග්ගේ බීබීසී සංදේශය සමඟ සාකච්ඡාවක දී කියා සිටියේ සිල්රෙදි බෙදා දීම යහපත් බෞද්ධ ප්‍රතිපදාවක් වන නමුත් මැතිවරණ ප්‍රචාරක ව්‍යාපාරයක කොටසක් වශයෙන් එවැනි දී කිරීම මැතිවරණ නීතිය උල්ලංඝනය කිරීමක් වන බවයි.

මහජන මුදලින්

ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ පොදු දේපොළ රැකගැනීමේ වැඩ සටහන මගින් නිකුත් කරනු ලැබ ඇති ප්‍රකාශනය අනුව ඉහත කී සිල් රෙදි ව්‍යාපෘතියට අවශ්‍ය බරපැන සඳහා ජනාධිපති ලේකම් කාර්යාලය හරහා මූල්‍ය ප්‍රතිපාදන සපයන්නේ වටිනාපහ සෝමානන්ද හිමියන්ගේ අනුමැතිය යටතේ .

කිහිලිකරු සිල් රෙදි ආදිය බෙදා දීම කලින් සිදු කර ඇතත් දැනට එවැනි ක්‍රියාමාර්ගයක් ගැන තමන් නොදන්නා බවයි වටිනාපහ සෝමානන්ද හිමියන් පවසන්නේ.

කෙසේ වුවද, අදාළ කාරණය සම්බන්ධයෙන් මැතිවරණ කොමසාරිස්වරයා දැනුවත් කර ඇති බවත් ට්‍රාන්ස්පේරන්සි ඉන්ටර්නැෂනල් ශ්‍රී ලංකා සංවිධානයේ පොදු දේපොළ රැක ගැනීමේ වැඩ සටහන කියා සිටියි.

ස්ත්‍රී ලිංගය කලාවට ගෙනා ජපන් කලාකාරිය

තම ස්ත්‍රී ලිංගය තේමා කොට ගෙන කලා නිර්මාණ කරන ජපන් කලාකාරියක ට එරහිව අශික්ෂිත දේ කිරීම පදනම් කොට ගෙන චෝදනාවට ලක් කර තිබේ.
මෙගුමි ඉගරශී නම් වූ මෙම 42 හැවිරිදි ජපන් කාන්තාව තම අසභ්‍ය නිර්මාණ ටෝකියෝවේ ලිංගික අංගෝපාංග වෙළඳසැලක ප්‍රදර්ශනය කර ඇති අතර තම ස්ත්‍රී ලිංගයේ ත්‍රිමාණ දත්ත තවත් පුද්ගලයන් වෙත යවා ඇති බවයි පැවසෙන්නේ.

 

දෙසැම්බර් මස මුල් භාගයේ දී අත් අඩංගුවට ගත් ඇය තවමත් සිටින්නේ රැඳවුම් භාරයේය.
පසුගිය ජූලි මාසයේ දී මුල් වරට අත් අඩංගුවට පත් ඉගරශී පසුව නිදහස් කරනු ලැබුවේ ජනතා බලපෑම සහ නීතිමය අභියාචනයක් සාර්ථක වීමෙන්.

“නරක ගැහැණු ළමයා”
බදාදා ඇය චෝදනා ලබා ඇත්තේ තම ස්ත්‍රී ලිංගයේ අනුරුවක් ප්‍රදර්ශණය කිරීම සහ අන් අයටත් ත්‍රිමාණ පිටපත් සකසා ගත හැකි ලෙස තම ස්ත්‍රී ලිංගයේ ත්‍රිමාණ දත්ත බෙදා හැරීම සම්බන්ධයෙන් බවයි අසාහි ෂිම්බුන් පුවත්පත වර්තාකරන්නේ.

රෝකුදෙනෂි-කො නැතහොත් “නරක ගැහැණු ළමයා” නමින් පෙනීසිටින ඉගරශී චෝදනාවට නිවැරදි කාරිය වන බවටයි තීරණය වී ඇත්තේ.
“ඉතා හුරු බුහුටි ලෙස සැරසිලි මගින් අලංකාර කර ඇති ලිංගේන්ද්‍ර වන මගේ නිර්මාණ සියල්ලේම අරමුණ

හුදු හාස්‍ය රසයක් ලබාදීම. එහි කිසිම අසභ්‍ය බවක් නැහැ” යනුවෙන් ඇය අධිකරණය හමුවේ කියා සිටි බවයි අසාහි පුවත්පත වාර්තා කරන්නේ.

අසභ්‍ය දේ ;පිලිබඳ ජපාන නීතිය මගින් ලිංගේන්ද්‍ර ප්‍රතිනිර්මාණය කිරීම තහනම් කර තිබෙන අතර රුපවාහිනී මාධ්‍යයේ සහ චායාරූප වල බොඳවී ගිය අකාරයෙන් දර්ශනය කලයුතු බව දැක්වේ.
ඇය මෙම චෝදනාවට වැරදිකාරිය වූවානම් වසර දෙකක සිර දඬුවමක් හෝ ජපන් යෙන් මිලියන 2.5 ක ((£13,350) මුදලක් ගෙවන්නට සිදුවන බවයි පැවසෙන්නේ.

ස්ත්‍රී ලිංග හැඩය ගත් කුඩා ඔරුවක ආකෘතිය ඉගරෂි ප්‍රසිද්ධියට පත් කළ නිර්මාණයකි.
මත බේදයට ලක්වූ ඉගරෂි ගේ ඔරුව

ඉගරෂි ජාත්‍යන්තර ප්‍රසිද්ධියට පත් වුයේ පසුගිය ජූලි මාසයේ ඇය ස්ත්‍රී ලිංග හැඩයෙන් යුත් ඔරුවක ආකෘතියක පිටපත් ත්‍රිමාණ මුද්‍රණ යන්ත්‍රයක් ආධාරයෙන් ලබා ගැනීම සඳහා අන්තර්ජාලය තුළින් මුදල් එකතු කිරීම හේතුවෙන් අත් අඩංගුවට පත්වීමෙන් පසුවයි.

ඇය පවසා තිබුණේ ඇයට ආධාර කරන අයට තමාගේ ස්ත්‍රී ලිංගයේ අනුරුවක් මුද්‍රණය කර ගැනීම සඳහා අවශ්‍ය ත්‍රිමාණ දත්ත ලබා දෙන බවයි.

Japan Times පුවත්පත පවසන ආකාරයට 17,000 කට වැඩි පිරිසක් අභියාචනයක් අත්සන් කර ඇත්තේ ඇගේ “ඔරුව” කලා නිර්මාණයක් වන හෙයින් එහි අසභ්‍ය බවක් නැති බව පවසමින්.

තම ලින්ගේන්ද්‍ර යේ සිලිකන් රබර් අච්චුවක් ආධාරයෙන් විවිධ නිර්මාණ කර තම අන්තර්ජාල පිටුවේ ප්‍රදර්ශනයකර ඇති ඉගරෂි ගේ බලාපොරොත්තු ව වන්නේ දැනට ජනප්‍රිය සංස්කෘතියේ අංගයක්ව පවතින පුරුෂ ලිංගය මෙන් ස්ත්‍රී ලිංගය ද ජනප්‍රිය කිරීම බවයි

සැමගේ මතකයෙන් ගිලිහී යන අපේ සෝම හාමුදුරැවෝ